თინათინ რატიანი

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სანჰიგიენური ფაკულტეტი 1951 წელს.

1953-1954წწ. ქ. რუსთავის სანიტარული განათლების სახლის გამგე; 1954-1972წწ. ქ. რუსთავის ბავშვთა ინფექციური საავადმყოფოს ექიმი-ორდინატორი; 1972 წელს ქ. რუსთავის ბავშვთა ინფექციური საავადმყოფოს განყოფილების გამგე; 1972-1975წწ. ქ. თბილისის რესპუბლიკური კლინიკური ინფექციური საავადმყოფოს ექიმი-ორდინატორი; 1975-1986წწ. ამავე საავადმყოფოს განყოფილების გამგე; 1986-1995წწ. ამავე საავადმყოფოს ექიმი-ორდინატორი; 1996-2000წწ. ქ. თბილისის ინფექციური პათოლოგიის ცენტრის პედიატრი-ინფექციონისტი; მან აიმაღლა კვალიფიკაცია თბილისის ექიმთა დახელოვნების სახელმწიფო ინსტიტუტში: ინფექციურ სნეულებაში (1956), პედიატრიაში (1960, 1963, 1971); ქალაქებში: მოსკოვი - ბავშვთა ინფექციები (1964) და ლენინგრადი - მენინგოკოკურ ინფექციაში (1971); მან ორჯერ გაიარა ატესტაცია და საქართველოს ჯანდაცვის სამინისტროს საატესტაციო კომისიის მიერ მიენიჭა ექიმ-ინფექციონისტის წოდება, შემდეგ კი - პირველი კატეგორიის ექიმის წოდება; 1973-1979წწ. ეწეოდა პედაგოგიურ მოღვაწეობას ქ. თბილისის მე-4 სამედიცინო ტექნიკუმში, მიჰყავდა პრაქტიკული მეცადინეობები თბილისის სახელმწიფო სამედიცინო ინსტიტუტში; არის 3 სამეცნიერო ნაშრომის ავტორი, რომლებიც რამდენჯერმე მოხსენებით წარადგინა რესპუბლიკის ინფექციონისტთა, ეპიდემიოლოგთა, მიკრობიოლოგთა და პარაზიტოლოგთა გაერთიანებული საზოგადოების სხდომაზე; იყო სანავიოს კონსულტანტი და გარდაცვალებულთა შემთხვევების განხილვის კომისიის მუდმივი ოპონენტი. დაჯილდოებული იყო მადლობებითა და სიგელებით. პირველი კატეგორიის ექიმი-ინფექციონისტი.

წყარო: საქართველოს სამედიცინო კალენდარი: ნაწ.I : 2 ნაწილად / ჯუმბერ ქორჩილავა.-თბ.,2010, გვ.745-746

• რესპუბლიკის ინფექციონისტთა, ეპიდემიოლოგთა, მიკრობიოლოგთა და პარაზიტოლოგთა გაერთიანებული საზოგადოება, წევრი

• შრომის ვეტერანის მედალი