მიხეილ გიგიტაშვილი

დაბადების ადგილი: სოფელი ქვიშხეთი, ხაშურის რაიონი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1943 წელს.

1943-1944წწ. იყო ქ. ხარკოვის ევაკოჰოსპიტლის ექიმი-ორდინატორი; 1944 წელს ქ. თბილისის 2461 ევაკოჰოსპიტლის ექიმი-ორდინატორი; 1944-1946წწ. მუშაობდა სპ. ვირსალაძის სახელობის სამედიცინო პარაზიტოლოგიისა და ტროპიკული მედიცინის სამეცნიერო-კვლევით ინსტიტუტში შემდეგ თანამდებობებზე: 1944-1946წწ. უმცროსი მეცნიერ-თანამშრომელი, 1946-1952წწ. კლინიკური განყოფილების ექიმი-ორდინატორი, 1952-1955წწ. ჰელმინთოლოგიური განყოფილების მეცნიერ-თანამშრომელი, ხოლო შემდეგ ეპიდემიოლოგიური მეცნიერ-თანამშრომელი, 1955-1957წწ. კლინიკური განყოფილების უფროსი მეცნიერ-თანამშრომელი, 1957-1962წწ. დიზენტერიული განყოფილების ხელმძღვანელი, 1962-1965წწ. ამავე განყოფილების მეცნიერ-თანამშრომელი, 1965-1979წწ. კლინიკური განყოფილების უფროსი მეცნიერ-თანამშრომელი; ავტორია 106 ნაბეჭდი სამეცნიერო ნაშრომისა, მათ შორის 1 მონოგრაფია აკადემიკოს მიხ. წინამძღვრიშვილზე (თანაავტორი); არის 8 რაციონალიზატორული წინადადების ავტორი; მისი ნაშრომები შეეხება სამედიცინო პარაზიტოლოგიური საკითხების კლინიკის, ეპიდემიოლოგიისა და მკურნალობის პრობლემებს; თანაავტორებთან ერთად გამოავლინა ანკილოსტომიდოზის მიკროკერები საქართველოს აღმოსავლეთ რაიონებში; შეისწავლა ადამიანის ფასციოლოგიის საკითხები და აღწერა ამ დაავადების ენდემური კერები; პირველმა აღწერა ადამიანის გიგანტური ფასციოლოგიის შემთხვევები; ეწეოდა პედაგოგიურ მოღვაწეობას, კითხულობდა ლექციებს საგანში - "ინფექციურ დაავადებათა ეპიდემიოლოგიური საფუძვლები"; იყო სანიტარული კულტურის სახლის ლექტორი და ეწეოდა პროპაგანდას ინფექციურ და ინვაზიურ დაავადებებზე (1940 წლიდან). დაჯილდოებული იყო მრავალი სიგელითა და მედლით.  მედიცინის მეცნიერებათა კანდიდატი (1956), მედიცინის მეცნიერებათა დოქტორი (1975).

წყარო: საქართველოს სამედიცინო კალენდარი, 2006 წელი / ჯუმბერ ქორჩილავა .-თბ.,2006.-გვ.781-784

• საზოგადოება "ცოდნა", წევრი
• საქართველოს პარაზიტოლოგთა და საქართველოს მედიცინის ისტორიის საზოგადოება, წევრი

• მედალი "ჯანმრთელობის დაცვის ფრიადოსანი"