პეტრე ბაბილუა

დაბადების ადგილი: ქ. ფოთი.

დაამთავრა თბილისის სახელმწიფო უნივერსიტეტის მექანიკა-მათემატიკის ფაკულტეტი 2000 წელს; მაგისტრატურა 2002 წელს.

2003-2006წწ. იყო მექანიკა-მათემატიკის ფაკულტეტის ალბა­თობის თეორიისა და მათემატიკური სტატისტიკის კათედრის ასისტენტი; 2006-2009წწ. თბილისის სახელმწიფო უნივერსიტეტის ზუსტ და საბუნებისმეტყველო მეცნიერებათა ფაკულტეტის (ზსმფ) ალბათობის თეორიისა და მათემატიკური სტატისტიკის კათედრის მოწვეული პროფესორი; 2009-2020წწ. ამავე კათედრის ასისტენტ პროფესორი; 2020 წლიდან ასოცირებული პროფესორი; 2024 წლიდან თბილისის სახელმწიფო უნივერსიტეტის ზუსტ და საბუნებისმეტ­ყველო მეცნიერებათა ფაკულტეტის დეკანი; 2006-2009წწ. არის საქართველოს ეროვნული სამეცნიერო ფონდის ორი და 2013-2015წწ. შოთა რუსთაველის ეროვნული სამეცნიერო ფონდის ოთხი გამარჯვებული პროექტის ძირითადი შემსრულებელი; მისი ძირითადი შრომები ეხება სემიმარტინალის ლოკალურ დროსა და ამერიკული ოფციონის ფასდადების ამოცანებს ერთგანზომილებიან დიფუზიურ მოდელში; რეგრესიის ფუნქციის და განაწილების სიმკვრივის არაპარამერული გულოვანი შეფასებების შესწავლას; განაწილების სიმკვრივის ნადარაია-ვატსონის ტიპის შეფასებებს; თანხმობისა და ერთგვაროვნობის ჰიპოთეზის შემოწმებისათვის ახალი კრიტერიუმების აგებას და სხვა. ფიზიკა-მათემატიკის მეცნიერებათა კანდიდატი (2005).

წყარო: თბილისის სახელმწიფო უნივერსიტეტი: encyclopedia.tsu.ge

• საერთაშორისო სტატისტიკური ასოციაცია, წევრი
• საქართველოს მათემატიკოსთა კავშირი, წევრი

• Max მათემატიკა : დამხმარე რესურსი 1 : სინგაპურის მეთოდზე დაფუძნებული მათემატიკის სახელმძღვანელო პირველიდან მეექვსე დონის ჩათვლით, დაწყებითი კლასების საერთაშორისო კურიკულუმის მიხედვით (რედაქტორი). - თბილისი, English Book Education, 2026. - 196გვ.. - ISBN: 9789941870132
• დამატებითი სავარჯიშოები მათემატიკაში (კომპლექსური დავალებებით) (რედაქტორი) // 4 კლასი, 2022-2023 . - ქუთაისი, აკაკი წერეთლის სახელმწ. უნივერსიტეტის გამომცემლობა, 2022. - 80გვ.. - ISBN: 9789941495663
• დამატებითი სავარჯიშოები მათემატიკაში (კომპლექსური დავალებებით) (რედაქტორი) // 5 კლასი, 2022-2023. - ქუთაისი, აკაკი წერეთლის სახელმწ. უნივერსიტეტის გამომცემლობა, 2022. - 80გვ.. - ISBN: 9789941495557
• სტოქასტური ფინანსური მათემატიკა : ლექციების კურსი (ავტორი) // წ.1, დისკრეტული დრო. - თბილისი, უნივერსალი, 2018. - 138გვ.. - ISBN: 9789941262524