შოთა ბარბაქაძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფიზიკის ფაკულტეტის ბაკალავრიატი (1997), შემდეგ ამავე ფაკულტეტის მაგისტრატურა, ბიოფიზიკის სპეციალობით (2000).

1998 წლიდან იყო თბილისის სახელმწიფო უნივერსიტეტის ე. ანდრონიკაშვილის სახელობის ფიზიკის ინსტიტუტის, ბიოლოგიური სისტემების ფიზიკის განყოფილების თანამშრომელი, უფროსი მეცნიერ-თანამშრომლი. როგორც ახალგაზრდა მეცნიერს, მიღებული აქვს საქართველოს პრეზიდენტის სახელობის II ხარისხის სტიპენდია (2005). 2006–2008წწ. მუშაობდა თბილისის სახელმწიფო უნივერსიტეტის ფიზიკის ფაკულტეტზე ასისტენტ-პროფესორის თანამდებობაზე; 2012 წლიდან თბილისის სახელმწიფო უნივერსიტეტის მოწვეული პროფესორია. 2009–2014წწ. პარალელურად მუშაობდა თბილისის სახელმწიფო უნივერსიტეტის საინფორმაციო ტექნოლოგიურ დეპარტამენტში, მთავარი სპეციალისტის თანამდებობაზე. 2014 წლიდან არის ამავე დეპარტამენტის, კომპიუტერული ტექნიკის ინფრასტუქტურის განყოფილების უფროსი. ასევე ხელმძღვანელობს დისტანციური სწავლების ცენტრს. სამეცნიერო ინტერესები: კალორიმეტრია, ბიოლოგიური სისტემების თერმოდინამიკული ანალიზი, Spirulina Platensis  და C-Phycocyanin-ის მიკროკალორიმეტრული შესწავლა. არის 30-მდე სამეცნიერო ნაშრომის თანაავტორი, რომელთა უმრავლესობა გამოქვეყნებულია საერთაშორისო სამეცნიერო ჟურნალებში. ასევე მონაწილეობა აქვს მიღებული 15 საერთაშორისო სამეცნიერო კონფერენციაში როგორც პოსტერის გამოფენით, ასევე მოხსენებით. დაიცვა საკანდიდატო დისერტაცია 2023 წელს. 

წყარო: თბილისის სახელმწიფო უნივერსიტეტი: encyclopedia.tsu.ge