ზინაიდა ბოჟაძე

დაბადების ადგილი: ქ. ხაშური.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1942 წელს.

საქართველოს სამხედრო კომისარიატის მიერ გაგზავნილ იქნა ხაშურის სამხედრო კომისარიატის განკარგულებაში, რომელმაც გაანაწილა ის ხაშურის პირველ საშუალო სკოლაში მოთავსებულ სამხედრო ჰოსპიტალში ექიმ-თერაპევტად; 1942-1945წწ. პარალელურად მუშაობდა ხაშურის რაიონული პოლიკლინიკის თერაპევტად; 1945-1956წწ. გამძვინვარებულ მალარიის ლიკვიდაციასა და პროფილაქტიკური ღონისძიებების გასატარებლად ზ. ბოჟაძე დაინიშნა ხაშურის რაიონის სამალარიო სადგურის გამგედ; 1956-1990წწ. იყო ხაშურის რაიონის სანეპიდსადგურის ექიმი-პარაზიტოლოგი და ტროფიკული მედიცინის ექიმი; ორგანიზაცია გაუწია რაიონში არსებული დაჭაობებული ტერიტორიების სათანადო შემოწმება-გამოკვლევა-აღრიცხვას, შექმნა რაიონში ბონიფიკატორთა ბრიგადები და აწარმოა ჭაობების შხამქიმიკატებით დამუშავება და გარემოს გაჯანსაღება, აწარმოა მალარიით დაავადებული მოსახლეობის სათანადო გამოკვლევები და მკურნალობა, ასევე - მოსახლეობის პროფილაქტიკური ღონისძიებები; წლების მანძილზე მონაწილეობდა ჰემატოლოგ-ტრანსფუზიოლოგთა რესპუბლიკურ ყრილობების მუშაობაში, გამოდიოდა სათანადო მოხსენებიბითა და წინადადებებით. დაჯილდოებულია ბევრი მადლობით, სიგელითა და მედლით. დამსახურებული პენსიონერი (1999), ექიმი-თერაპევტი, გამოცდილი პრაქტიკოსი მალარიოლოგი, პარაზიტოლოგი, ჯანმრთელობის დაცვის ორგანიზატორი, უფროსი ლეიტენანტი.

წყარო: საქართველოს სამედიცინო კალენდარი: ნაწ.I : 2 ნაწილად / ჯუმბერ ქორჩილავა.-თბ.,2010., გვ.795-798

• 1978 - "შრომის ვეტერანი" - მედალი
• 1956 - "ჯანმრთელობის დაცვის ფრიადოსანი" საკავშირო ნიშანი
• 1945 - "მამაცური შრომისათვის"