ბორის ბერულავა

დაბადების ადგილი: ქ. ცხაკაია, ახლანდელი ქ. სენაკი.

დაამთავრა თბილისის სახელმწიფო უნივერსიტეტის ფიზიკის ფაკულტეტი; ასპირანტურა 1952 წელს.

1955-2006წწ. მუშაობდა თბილისის სახელმწიფო უნივერსიტეტის ფიზიკის ფაკულტეტზე. მიენიჭა პროფესორის წოდება (1989). 1987-2006წწ. იყო ექსპერიმენტული ფიზიკის კათედრის გამგე. მისი სამეცნიერო შრომები ეხება ელექტრონულ პარამაგნიტურ რეზონანსს (ეპრ). მის მიერ აღმოჩენილია (თანაავტორებთან ერთად) დისკრეტული გაჯერების მოვლენა ეპრ შთანთქმის ხაზში და შემუშავებულ იქნა რადიოსიხშირული დისკრეტული გაჯერების მეთოდი, რომელიც მოგვიანებით ჩამოყალიბდა, როგორც პარამაგნიტური კროსტალების კვლევის ახალი მეთოდიკა. პროფესორ თ. სანაძესთან ერთად მიენიჭა  თბილისის სახელმწიფო უნივერსიტეტის პირველი პრემია (1968), პ. მელიქიშვილის სახ. პრემია (თ. სანაძესთან და გ. ხუციშვილთან ერთად, 1970). არის 40-ზე მეტი სამეცნიერო შრომის ავტორი. თბილისის სახელმწიფო უნივერსიტეტის პროფესორი (1989), ფიზიკა-მათემატიკის მეცნიერებათა დოქტორი (1987). დაიცვა საკანდიდატო (1966) და სადოქტორო დისერტაცია (1987). 

წყარო: თბილისის სახელმწიფო უნივერსიტეტი: encyclopedia.tsu.ge

• საქართველოს ეკოლოგიურ მეცნიერებათა აკადემია, აკადემიკოსი (1995-)

• 1970 - პეტრე მელიქიშვილის სახელობის პრემია (ჯგუფთან ერთად)
• ივანე ჯავახიშვილის მედალი
  დაბადებიდან 70 წლისთავთან დაკავშირებით, ნაყოფიერი სამეცნიერო და პედაგოგიური მოღვაწეობისთვის