ერმალოზ კობერიძე

დაბადების ადგილი: სოფელი ცხმორი, ონის რაიონი.

დაამთავრა ვოროშილოვის სახელობის უმაღლესი სამხედრო აკადემია 1947 წელს. 1926 წელს სწავლობდა ცაკის სახელობის პირველ სამხედრო სკოლაში ქალაქ მოსკოვში, 1929 წელს შევიდა მოსკოვის ავტო-ტექნიკურ სამხედრო კურსებზე, რომლის დამთავრების შემდეგ იქვე დატოვეს მასწავლებლად.

1932 წელს დაინიშნა სასაზღვრო ჯარების მთავარი სამართველოს ინსპექტორად, ხოლო  1933 წელს ჯავშანსატანკო ბატალიონის მეთაურად ქ. ალმა-ათაში. დიდი სამამულო ომის დაწყებისას ქალაქ კაუნასში მსახურობდა. ომის დროს იბრძოდა დასავლეთ დვინასთან, კალინინთან. 1942 წლის 3 აპრილიდან მეთაურობდა დივიზიას, იბრძოდა ვიტებსკთან, მონაწილეობდა პოლონეთის განთავისუფლებაში და გერმანიის ტერიტორიაზე ბრძოლებში. ომის დამთავრების შემდეგ მსახურობდა სხვადასხვა პასუხსაგებ თანამდებობებზე. გენერალ-მაიორი. თბილისში არის ერმალოზ კობერიძის ქუჩა.

წყარო: ქართული საბჭოთა ენციკლოპედია: ტ. 5.- თბ., 1980.- გვ. 566; საქართველოს პარლამენტის ეროვნული ბიბლიოთეკა: dspace.nplg.gov.ge; საქართველოს ნეკროპოლი: geonecropol.com; საქართველო: ენციკლოპედია: ტ.5. -თბ.,2023. -გვ. 100

• 1947 - ლენინის ორდენი
• 1945 - სუვოროვის სახელობის II ხარისხის ორდენი
• 1944 - საბჭოთა კავშირის გმირი
  პირადი გმირობისა და მამაცობისთვის
• 1943 - ლენინის ორდენი
• წითელი დროშის ორდენი (5 ორდენი)