მირიან ბატონიშვილი

ერეკლე II-ს და დარეჯან დედოფლის ვაჟიშვილი; შედიოდა იმ დელეგაციის შემადგენლობაში, რომელიც 1783 წელ ერეკლე II-მ გაგზავნა პეტერბურგს ტრაქტატის დადებასთან დაკავშირებით; მირიან ბაგრატიონი იქვე დარჩა და რუსეთის სამსახურში შევიდა; მიიღო გენერალ-მაიორის ჩინი და სენატორობა; 1797 დასაწყისში ებოძა ყაბარდოს პოლკის შეფობა; მსახურობდა "კავკასიის ლინიაზე" გენერალ გუდოვიჩთან; 1798 წლის იანვარში საქართველოში დაბრუნდა, გათავისუფლდა სამსახურიდან და აქვე დარჩა; 1801 წლიდან სამუდამოდ დასახლდა პეტერბურგში; მან შემოგვინახა "დავითიანის" გურამიშვილისეული ხელნაწერი და არზა; ეწეოდა ლიტერატურულ და მთარგმნელობით მოღვაწეობას; რუსულიდან თარგმნა "სწავლა თქმული ილია მინიატისაგან", ბრავეს ტრაგედია "ატეისტი"; ავტორია რამდენიმე იამბიკოსი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 330; ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.- გვ.41