ნოე ჟორდანია

დაბადების ადგილი: ქ. ლანჩხუთი.

თბილისის სასულიერო სემინარიის დამთავრების შემდეგ 1891 წლიდან სწავლობდა ვარშავის ვეტერინარულ ინსტიტუტში.

პოლიტიკური მოღვაწეობა დაიწყო 90-იან წლებში. 1903 წელს რსდმპ II ყრილობის შემდეგ გახდა კავკასიის მენშევიკების ლიდერი. რსდმპ V (ლონდონის) ყრილობაზე (1907) ნ. ჟორდანია აირჩიეს პარტიის ცენტრალური კომიტეტის წევრად მენშევიკების მხრიდან. 1918 წელს ამიერკავკასიის რესპუბლიკისა და ამიერკავკასიის სეიმის  დაშლის შემდეგ ჟორდანია ფაქტობრივად აღმოჩნდა საქართველოს რესპუბლიკის დროებითი პარლამენტის თავმჯდომარე. იმავე წლის 26 მაისს მან საქართველოს დემოკრატიული რესპუბლიკის დამოუკიდებლობა გამოაცხადა. 1921 წლის 25 თებერვალს წითელი არმიის მიერ თბილისის დაკავების შემდეგ ნ. ჟორდანიამ და მისმა მთავრობამ თავი შეაფარეს ჯერ ქუთაისს, ხოლო შემდეგ ბათუმს. იმავე წლის 18 მარტს, წავიდნენ საფრანგეთში პოლიტიკურ ემიგრაციაში.

წყარო: ქართული საბჭოთა ენციკლოპედია: ტ.8.-თბ., 1984.-გვ.256; საქართველოს დემოკრატიული რესპუბლიკა (1918-1921) ენციკლოპედია-ლექსიკონი, თბ., 2018. - გვ.321-322: digitallibrary.tsu.ge

• თბილისის მუშათა და ჯარისკაცთა დეპუტატების საბჭო, თავმჯდომარე (1917-)
• რუსეთის იმპერიის სახელმწიფო სათათბირო (დუმა), წევრი (1906-)
• რუსეთის სოციალ-დემოკრატიული მუშათა პარტია, წევრი (1898-)
• საქართველოს დემოკრატიული რესპუბლიკა, მთავრობის თავმჯდომარე (1918-1921)
• საქართველოს დროებითი მთავრობა, თავმჯდომარე (1918-1954)
• საქართველოს სოციალ-დემოკრატიული მუშათა პარტია, თავმჯდომარედ
• საქართველოს სოციალისტური პარტია "მესამე დასი", ერთერთი დამაარსებელი

• რჩეული ნაწერები (ავტორი). - თბილისი, საქართველო, 1990. - 420გვ.
• ჩემი წარსული : მოგონებანი (ავტორი). - თბილისი, სარანგი, 1990. - 136გვ.
• წიგნი ოჯახში საკითხავი : დაწერილი ჩემს მიერ, ჩემი შვილების და შვილიშვილებისათვის-საგულისხმიეროთ და სახელმძღვანელოთ (ავტორი). - თბილისი, მერანი, 1989. - 149გვ.
• პოლიტიკა (ავტორი). - პარიზი, 1926. - 71გვ.
• რა მოხდა : 1924 წლის აჯანყების შესახებ (ავტორი). - პარიზი, 1925. - 38გვ.
• გერმანიის ახალი ისტორიიდან (მე-XIX საუკუნე) (ავტორი). - თფილისი, გუტენბერგი-ს სტ., 1905. - 151გვ.