დუტა სხირტლაძე

დაბადების ადგილი: ქ. თელავი.

დაამთავრა შოთა რუსთაველის სახელობის თეატრისა და კინოს სახელმწიფო ინსტიტუტის სამსახიობო ფაკულტეტი 1994 წელს.

მოღვაწეობდა შოთა რუსთაველის სახელობის სახელმწიფო დრამატულ თეატრში და თეატრალურ სარდაფში, კოტე მარჯანიშვილის სახელობის სახელმწიფო დრამატულ თეატრში; 2010-2012წწ. იყო თელავის თეატრის დირექტორი; ფართო საზოგადოებამ ტელეკომპანია რუსთავი 2-ის გადაცემიდან "ვის უნდა 20 000" გაიცნო. წლების განმავლობაში იყო რუსთავი 2-ის სხვადასხვა შოუების წამყვანი და ერთ-ერთი მთავარი სახე; კომპანია "ჯეოსელის" სახე; 2012 წლიდან მოღვაწეობს ტელეკომპანია იმედზე სადაც რამდენიმე პროექტშია ჩართული. შესრულებული აქვს როლები სპექტაკლებში: თ. მანი - "მარიო და ჯადოქარი", გოეთე -"ფაუსტი", ვ. ნაბოკოვი - "ემიგრანტები", ბ. ბრეხტი - "სამგროშიანი ოპერა", ა. კამიუ - "გაუგებრობა"; შექსპირი -"ჰამლეტი", "მეთორმეტე ღამე" და "ვენეციელი ვაჭარი"; ა. ჩეხოვი - "ძია ვანია", ა. ცაგარელი - "ხანუმა", ვაჟა-ფშაველა "გველის მჭამელი" და სხვა; გადაღებულია ფილმებში: "გარიგება", "ქართული სიმღერა სიყვარულზე" (გერმანია), "რაც ოთარი წავიდა" (საფრანგეთი), "მისი ცოლი" (რუსეთი); ტელესერიალში - "ცხელი ძაღლი". თეტრისა და კინოს მსახიობი, ტელე-შოუების წამყვანი. 

წყარო: ვინ ვინ არის საქართველოში: ქართული ბიოგრაფიული ცნობარი. –  თბ., 2006.-გვ.434; ეროვნული ფილმოგრაფიის პორტალი: geocinema.ge

• ფაზისის აკადემია, საპატიო წევრი

• 2006 - ღირსების ორდენი