კოტე მაყაშვილი

დაიბადების ადგილი: სოფელი იყალთო, თელავის რაიონი.

 1895 წელს გიმნაზია დაამთავრა და სწავლა გააგრძელა პეტერბურგის უნივერსიტეტის იურიდიულ ფაკულტეტზე, რომლის დამთავრების შემდეგ აღმოსავლური ენების ფაკულტეტზე შევიდა, მაგრამ სტუდენტთა გამოსვლებში მონაწილეობის გამო უნივერსიტეტიდან გარიცხეს. 1900 წელს სამშობლოში დაბრუნდა და ქართულ გიმნაზიაში დაიწყო მუშაობა მასწავლებლად, თუმცა აქ დიდხანს არ დარჩენილა. 1903 წელს ქართულ სათავადაზნაურო ბანკში დამფასებლად, ხოლო 1915 წელს ამავე ბანკის დირექტორად აირჩიეს. იგი  აქტიურად თანამშრომლობდა პერიოდულ გამოცემებში: გაზეთებში - "ივერია, "სახალხო გაზეთი", "ისარი", "საქართველო", "ლომისი", "თემი" და სხვა. ჟურნალებში - "საქართველო", "ფასკუნჯი", "პრომეთე", "ლომისი". 1918 წელს მისი თავმჯდომარეობით დაარსდა ხელოვანთა ცენტრი. იგი იყო ინიციატორი სათავადაზნაურო დაწესებულებასთან იმ განსაკუთრებული ფონდის დაარსებისა, რომელიც დახმარებას უწევდა ყველა ხელმოკლე, ნიჭიერ ახალგაზრდას. საზოგადო მოღვაწე, ეროვნული გმირის - მარო მაყაშვილის მამა.

წყარო: ქართული საბჭოთა ენციკლოპედია: ტ.6.-თბ.,1983.-გვ.507; საქართველოს სამეფოს ვებ-გვერდი: georoyal.ge; საქართველო: ენციკლოპედია: ტ.5. -თბ.,2023. -გვ.594

• საქართველოს მწერალთა კავშირი, ერთ-ერთი დამაარსებელი, თავმჯდომარე (1916-1926)
• ქართული დრამატული საზოგადოება, წევრი (1921-)
• ხელოვანთა კულტურული კომიტეტისა და ხელოვანთა სასახლე, თავმჯდომარე (1921-)

• რჩეული : ლექსები (ავტორი). - თბილისი, საბჭ. საქართველო, 1960. - 170გვ.
• რჩეული : ლექსები (ავტორი). - თბილისი, საბჭ. საქართველო, 1960. - 170გვ.
• ეშმაკი საქართველოში : სატირა (ავტორი). - ტფილისი, სახელგამი, 1926. - 175გვ.