მიხეილ დონაური

დაბადების ადგილი: ქ. სანქტ-პეტერბურგი.

მეფე ვახტანგ VI-თან ერთად რუსეთში გადასახლებული კახელი აზნაურის ი. დონაურის ვაჟი; ახალგაზრდობისას განაწესეს სამხედრო სამსახურში, 1780 წელს კი სამოქალაქო უწყებაში გადაიყვანეს; იმპერატორ ეკატერინე II-ის კარზე ასრულებდა ტახტის მემკვიდრის პავლე პეტრეს ძის მდივნისა და ბიბლიოთეკარის მოვალეობას; 1797 წელს დაინიშნა საიმპერატორო კაბინეტის მმართველად; იმავე წელს მიენიჭა საიდუმლო მრჩევლის, 1799 წელს კი ნამდვილი საიდუმლო მრჩევლის წოდება და სენატორობა; პავლე I-მა დაუმტკიცა მას გერბი წარწერით "მხოლოდ შენ" და მიანიჭა რუსეთის აზნაურობა; მალე იგი ყველა პოსტიდან დაითხოვეს; 1801 წელს ალექსანდრე I-მა კვლავ აღადგინა სამსახურში და სენატის III დეპარტამენტში სენატორად დანიშნა; რუსეთის იმპერიის სახელმწიფო მოღვაწე, გენარალ-მაიორი (1796).

წყარო: საქართველო: ენციკლოპედია: ტ.2. - თბ., 2012. - გვ.480; events.mematiane.ge

• წმინდა ანას I ხარისხის ორდენი
  პავლე I-ის გამეფებასთან დაკავშირებით
• წმინდა ალექსანდრე ნეველის ორდენი
  პავლე I-ის გამეფებასთან დაკავშირებით