გიორგი ქუჩიშვილი

დაბადების ადგილი: სოფელი მერე, ახლანდელი თელავის რაიონი.

სწავლობდა თბილისში, ავლაბრის სამოქალაქო სასწავლებელში.

ქართული მწერლობის რევოლუციურ-დემოკრატიული ფრთის წარმომადგენელი. მიზნად ჰქონდა დასახული ხალხის სამსახური და რევოლუციური იდეების ქადაგება (ლექსი: "მე პოეტი ვარ"). მისი პირველი ლექსი გამოქვეყნდა 1906 წელს, მთლიანი კრებული კი 1914 წელს. მისი შემოქმედების მთავარი გმირები საზოგადოებისაგან გარიყული, ულუკმაპუროდ დარჩენილი მშრომელი ადამიანებია (ლექსების ციკლი "ქუჩის სიმღერები"; მინიატურები − "უსახელო" (1910); "საცოდავი" (1914). ავტორია პოემებისა "ჯაჭვის ხიდი", "შავი სამეფო", "ტყვე არწივი" და სხვა. მის კალამს ეკუთვნის აგრეთვე საბავშვო ლექსები: "აღტაცება" (1909); "პაწია მეგობრები", "სიმღერა" (1922) და "სკოლისაკენ". მწერალ დავით თურდოსპირელის (დავით ჩხეიძე) ძმა. რეჟისორისა და მსახიობის ბიჭიკო (ნოდარ) ჩხეიძის მამა.

წყარო: მამულიშვილთა სავანე. - თბ., 1994. - გვ.350; დიდუბის პანთეონი=Didube pantheon/ბადრი ქუთათელაძე. -თბ., 2025.-გვ.373; კარგ ქართველთა საფლავები: geonecropol.ge

• თხზულებანი: 2 ტომად (ავტორი). - თბილისი, საბჭ. საქართველო, 1963. - 399 გვ., 470გვ.
• მოგესალმებით, ბავშვებო (ავტორი). - თბილისი, ნაკადული, 1961. - 126 გვ.
• პოემები და ლეგენდები (ავტორი). - თბილისი, სახელგამი, 1939. - 216 გვ.
• მხედრული ლექსები (ავტორი). - ტფილისი, ფედერაცია, 1932. - 40 გვ.