ივანე ფანჩულიძე

1774 წელს სამხედრო სამსახურში შევიდა. 1789-1791წწ. რუსეთ-ოსმალეთის ომში ოჩაკოვის ციხესიმაგრის აღების დროს გამოჩენილი გმირობისათვის ოქროს საგანგებო ნიშნით დაჯილდოვდა. 1805 წლის 20 ნოემბერი (2 დეკემბერი.) აუსტერლიცის ბრძოლაში გამოჩენილი გმირობისთვის გენერალ-მაიორის წოდება მიენიჭა. 1809 წელს ანაპის ციხესიმაგრის აღებისათვის დაჯილდოვდა ანას I ხარისხის ორდენით; 1812 წელს სამამულო ომში წარმატებით ჩატარებული ბრძოლებისათვის - წმ. გიორგის III ხარისხის ორდენით. აქტიურად მონაწილეობდა 1813-1814 წწ. რუსული არმიის საზღვარგარეთულ ლაშქრობებში. რისთვისაც უცხოური საბრძოლო ორდენები მიიღო. რუსეთის არმიის გენერალ-ლეიტენანტი (1813), გამოჩენილი მხედართმთავარი, ანტინაპოლეონის, სამამულო ომების, სპარსეთის ლაშქრობის მონაწილე, ჩერნიგოვის პოლკის ბრიგადის მეთაური, ბოროდინოს ბრძოლაში იყო პეტრე ბაგრატიონის ავანგარში. მიღებული აქვს სახელმწიფო ჯილდოები.

წყარო: ქართული საბჭოთა ენციკლოპედია: ტ.10-თბ., 1986.-გვ.219

• 1812 - წმინდა გიორგის III ხარისხის ორდენი
  სამამულო ომში წარმატებით ჩატარებული ბრძოლებისათვის
• 1809 - წმინდა ანას I ხარისხის ორდენი
  ანაპის ციხესიმაგრის აღებისათვის
• ოქროს საგანგებო ნიშანი
  რუსეთ-ოსმალეთის ომში ოჩაკოვის ციხესიმაგრის აღების დროს გამოჩენილი გმირობისათვის