მარი ბექაური

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტი ფსიქოლოგის სპეციალობით.

ლიტერატურულ ასპარეზზე აქტიურად გამოჩნდა 2009 წელს, როდესაც გამოქვეყნდა მისი მოთხრობა "დები". იქიდან მოყოლებული იბეჭდება სხვადასხვა ლიტერატურულ გამოცემებში. 

2011 წელს მისი მოთხრობა "ჩემი მეზობლები და მეგობრები" ითარგმნა და დაიბეჭდა ლიტვაში, სადაც რამდენიმე ქართველ მწერალთან ერთად მიწვეულ იყო მწერალთა კავშირის მიერ სემინარებზე დასასწრებად. 2012 წელს მოთხრობა "დები" შევიდა კრებულში "ქართული პროზის ანთოლოგია", რომელიც ითარგმნა ინგლისურ ენაზე და გამოიცა აშშ-ში ("Contemporary Georgian fiction"). ამასთანავე, "დების" ინგლისური თარგმანი დაიბეჭდა ლიტერატურულ ჟურნალებში: "World Literature Today" (აშშ) და "Prospect magazine"(ბრიტანეთი). მ. ბექაურის მოთხრობები შესულია წლის საუკეთესო 15 მოთხრობის კრებულებში, რომელსაც ყოველწლიურად გამოსცემს ბაკურ სულაკაურის გამომცემლობა: "დები"(2009), "ბავშვობა, როგორიც სინამდვილეშია" (2010), "ლევ"(2012). 2012 წელს გამოიცა მისი მოთხრობების პირველი კრებული "ელექტროთაობა".

• 2011 - ლიტერატურული კონკურსი "ალერდი", გამარჯვებული
  მოთხრობა: "As the squares of hopscotch"
• 2010 - ლიტერატურული კონკურსი "წერო 2010", პირველი ადგილის მფლობელი
  მოთხრობა: "ბავშვობა, როგორიც სინამდვილეშია"
• 2010 - ლიტერატურული კონკურსი "შემოდგომის ლეგენდა", ჟიურის სიმპატია
  მოთხრობა: "კედლები"
• 2009 - ლიტერატურული კონკურსი "შემოდგომის ლეგენდა", თბილისის მერიის სიმპატია
  მოთხრობა: "ლილიანები"

• ელექტროთაობა : მოთხრობები (ავტორი). - თბილისი, ბაკურ სულაკაურის გამ-ბა, 2012. - 160გვ.. - ISBN: 978-9941-15-565-9
• ბებია, რეი და ამერიკა : რომანი (ავტორი). - თბილისი, ბაკურ სულაკაურის გამ-ბა, 2012. - 120გვ.. - ISBN: 978-9941-15-666-3
• 15 საუკეთესო ქართული მოთხრობა, 2012 (თანაავტორი). - თბილისი, ბაკურ სულაკაურის გამ-ბა, 2011. - 256გვ.. - ISBN: 978-9941-15-566-6
• 15 საუკეთესო ქართული მოთხრობა, 2010 (თანაავტორი). - თბილისი, ბაკურ სულაკაურის გამ-ბა, 2010. - 247გვ.. - ISBN: 978-9941-15-335-8