ლარისა თიგიშვილი

დაბადების ადგილი: სოფელი დიდი ლილო, გარდაბნის რაიონი.

დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი ოკეანოლოგიის სპეციალობით 1972 წელს.

1972-1973წწ. მუშაობდა თბილისის სახელმწიფო უნივერსიტეტში ლაბორანტად; 1973-1976წწ. საქართველოს მეცნიერებათა აკადემიის ვახუშტი ბაგრატიონის სახელობის გეოგრაფიის ინსტიტუტში ზღვის ნაპირების დინამიკისა და მორფოლოგიის შემსწავლელ ლაბორატორიაში უფროსი ინჟინრის თანამდებობაზე; 1976 წლიდან ამავე ინსტიტუტის გეომორფოლოგიის განყოფილებაში, იმავე თანამდებობაზე; 1980 წლიდან უმცროსი მეცნიერ თანამშრომლის, ხოლო შემდეგ მეცნიერ თანამშრომლის თანამდებობაზე. 1979 წლიდან იყო სამეცნიერო ხარისხის მაძიებელი. დაამთავრა საკვალიფიკაციო ნაშრომი - "საქართველოს ვულკანური რელიეფის მორფოლოგია". მუშაობდა თემაზე - "ჯავახეთის ვულკანური ზეგნის მორფოსტრუქტურები და მორფოსკულპტურები". არის 30-მდე სამეცნიერო ნაშრომის, მრავალი საგაზეთო პუბლიკაციისა და  წიგნის "საქართველოს ვულკანური რელიეფის" ავტორი.  ოკეანოლოგი, გეომორფოლოგი.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.134-135