ალექსანდრე კახნიაშვილი

დაბადების ადგილი: სოფელი დილიკაური, ახლანდელი ზესტაფონის მუნიციპალიტეტი.

დაამთავრა თბილისის სახელმწიფო უნივერსიტეტის სიბრძნისმეტყველების ფაკულტეტი 1927 წელს.

1929 წლიდან მუ­შა­ობ­და თბილისის სახელმწიფო უნივერსიტეტის ქიმიის ფაკულტეტის ორგანული ქიმიის კათედრაზე; წლების განმავლობაში იყო თბილისის სახელმწიფო უნივერსიტეტის ქიმიის ფაკულტეტის დეკანი; მისი სამეცნიერო შრო­მები ეხება ბიოლოგიურად აქტიური ორგანული ნაერთების სინთეზსა და კვლევას; მისი ხელმძღვანელობით შესწავლილია ფენოლების, კრეზოლების (მეთილფენოლების) და გვაიაკოლის (ორთო-მეთოქსიფენოლების) ალკილირების რეაქციები უჯერი სპირტებით. დადგინდა ფენოლების კატალიზური ალკი­ლირების მექანიზმი, გამოკვლეული იყო მიღებული ნივთიერებების პრაქტიკული გამოყენების შესაძლებლობები მცენარეთა ­ზრდის სტიმულატორებად. ვაზის ნერგის გამოსავლიანობაზე გან­ხორ­ციელებული კვლევის შედეგები აღინიშნა გამოგონების სერტიფიკატით; მას მნიშვ­ნე­ლო­ვა­ნი ღვაწლი მიუძღვის ქარ­თულ ენაზე ქიმიის სახელმძღვანელოების შექმნაში. ქართულად თარგმნა რამდენიმე სახელმძღვანელო ორგანულ ქიმიაში. ქიმიის მეცნიერებათა დოქტორი (1952), პროფესორი (1954).

წყარო: საქართველო: ენციკლოპედია: ტ. IV. -თბ., 2018.-გვ. 602

• დ. მენდელეევის სახელობის საკავშირო ქიმიური საზოგადოების სა­ქართველოს განყოფილება, პრეზიდიუმის წევრი

• 1963 - სა­ქართველოს მეცნიერებათა დამსახურებული მოღვაწე

• ორგანული სინთეზი და მისი მნიშვნელობა სახალხო მეურნეობაში (ავტორი). - თბილისი, პოლიგრაფკომბინატი "კომუნისტი", 1959. - 39გვ.
• ქიმიის კურსის პრაქტიკუმი არასრული საშუალო და საშუალო სკოლებისათვის (ავტორი). - თბილისი, ინ-ტის გამ-ბა, 1950. - 192გვ.