აკაკი სოხაძე

დაბადების ადგილი: სოფელი ბაჯი, ამბროლაურის რაიონი.

დაამთავრა თბილისის სახელმწიფო უნივერსიტეტის ისტორიის ფაკულტეტი 1938 წელს. 

1942-1946 წწ. იმყოფებოდა საბჭოთა არმიის რიგებში; დემობილიზაციის შემდეგ, 1947-1948 წწ. მუშაობდა ქ. თბილისის მე-18 ვაჟთა საშუალო სკოლაში ლოგიკისა და ფსიქოლოგიის მასწავლებლად; 1947-1954 წწ. თბილისის სახელმწიფო ისტორიულ - ეთნოგრაფიული მუზეუმის ისტორიული განყოფილების გამგე; 1955-1962 წწ. მცხეთის მხარეთმცოდნეობის მუზეუმის დირექტორი; 1961-1963 წწ. ივანე ჯავახიშვილის სახელობის თბილისის სახელმწიფო უნივერსიტეტის ლექტორი; 1963-1974 წწ. საქართველოს მეცნიერებათა აკადემიის ს. ჯანაშიას სახელობის საქართველოს სახელმწიფო მუზეუმის ეთნოგრაფიული განყოფილების უფროსი მეცნიერი თანამშრომელი; 1974-1995 წწ. საქართველოს მეცნიერებათა აკადემიის ივ. ჯავახიშვილის სახელობის ისტორიის, არქეოლოგიისა და ეთნოგრაფიის ინსტიტუტის უფროსი მეცნიერი თანამშრომელი. ისტორიის მეცნიერებათა კანდიდატი.

წყარო: საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.56

• საქართველოს სახელმწიფო პრემია, მეცნიერებისა და ტექნიკის დარგში
  ჰუმანიტარულ მეცნიერებათა დარგში 1976-1992 წლებში გამოცემული ნაშრომისთვის "მასალები საქართველოს შინამრეწველობისა და ხელოსნობის ისტორიისათვის" 5 ტომად (9 წიგნად)
• წითელი ვარსკვლავის ორდენი