იროდიონ ქავჟარაძე

დაბადების ადგილი: ქ. ბათუმი.

სწავლობდა ბათუმის წერა-კითხვის გამავრცელებელი საზოგადოების ქართულ სკოლაში. 1907 წელს დაამთავრა ბათუმის სამოქალაქო სასწავლებელი; 1914 წელს - გორის გიმნაზია და დაჩააბარა მოსკოვის უნივერსიტეტის ისტორიულ-ფილოლოგიურ ფაკულტეტზე;  1917 წელს დაამთავრა მოსკოვის სამხედრო სასწავლებელი; 1927 წელს - უცხო ენათა უმაღლესი პედაგოგიური კურსები ფრანგული ენის განხრით და მიიღო ფრანგული ენის მასწავლებლის უფლება.

1929-1933წწ. ასწავლიდა ანგარიშმცოდნეობის საგნებს ტექნიკუმებში და კურსებზე. 1933 წლიდან მუშაობდა საქართველოს სამჭოთა მწერლების კავშირში სხვადასხვა საპასუხისმგებლო თანამდებობებზე. 1907 წლიდან გამოვიდა სამწერლო ასპარეზზე.  პირველი ლექსი გამოაქვეყნა 1909, პირველი წიგნი "მოთხრობები" - 1928 წელს. ეკუთვნის მოთხრობათა კრებულები "ადამი და ევა" (1965), "ერმილე ბაბუა" (1970), დოკუმენტური მოთხრობა "ვალმოხდილი" (1978), პიესები და სხვა. ნაყოფიერად იღვწოდა თარგმნის სფეროში. თარგმნა მ. დე სენ-პიერის, ლონგეს, ვ. ჰიუგოს, ფ. შატობრიანის, ო. დე ბალზაკის, ა. დოდეს, ა. ფრანსის, ა. პუშკინის, ლ. ტოლსტოის, ვ. ორლოვის, ვ. ბიკოვის, ო. გონჩარის, დ. გულიას და სხვა თხზულებანი. მისი მოთხრობები თარგმნილია რუსულ, სომხურ, აზერბაიჯანულ ენებზე. 

წყარო: ქართული საბჭოთა ენციკლოპედია: ტ.10 .-თბ., 1986.-გვ.443; მწერალთა ავტობიოგრაფიები. წ. 1/გიორგი ლეონიძის სახ. ქართ. ლიტ. მუზეუმი. -თბ., 2013. -გვ.654-659

• საქართველოს საბჭოთა მწერლების კავშირი, წევრი (1940-)
• სკკპ, წევრი (1950-)

• მედალი "მამაცური შრომისთვის"

• პოლი და ვირჟინი : რომანი (მთარგმნელი). - თბილისი, ნაკადული, 1992. - 254გვ.
• შაქრულა : მოთხრობა უმცრ. სასკოლო ასაკის ბავშვთათვის (ავტორი). - თბილისი, განათლება, 1980. - 119გვ.
• ვალმოხდილი : დოკ. მოთხრობა მემედ აბაშიძეზე (ავტორი). - თბილისი, მერანი, 1978. - 197გვ.
• შაქრულა : მოთხრობა (ავტორი). - თბილისი, მერანი, 1973. - 129გვ.