იუჯინ ო'ნილის მიხედვით ადამიანის სამყაროში არსებობას აღიქვამს, როგორც ტრაგიკულს. ადამიანის ცხოვრების ტრაგიზმს ქმნის ონტოლოგიურად არსებული დაპირისპირება ადამიანის სწრაფვასა და მის წინაშე აღმართულ ზღუდეს შორის, რომელიც სწრაფვის განუხორციელებლობას იწვევს. რაც უფრო ძლიერია სწრაფვა, მით უფრო დიდია ტრაგიზმი.
ადამიანური ტრაგიზმის არსის გამოსახატად ო'ნილი მიმართავს მრავალფეროვან მხატვრულ ხერხებს, მათ შორის ერთ-ერთი ცენტრალური არის პაროდირების ხერხი. დრამაში "ვნება თელებქვეშ" დრამატურგი იყენებს ბიბლიური პაროდირების ხერხს თვით ამ დრამის კოლიზიის შინაარსის, ანუ ვნებათა არაღირებულებისა და სიმდაბლის ხაზგასასმელად.