
	English Georgian

Correction

ეკატერინე თადეოზის ასული სტაროსელსკისა

Legal name:	ეკატერინე თადეოზის ასული გურამიშვილი
Date of birth:	18??
Date of death:	1901
Burial location:	საგურამო, ღვთისმშობლის მიძინების (სიონის) ტაძარი
Category:	Public Figure

Biography

ეკატერინე გურამიშვილის დაბადების თარიღი უცნობია. იგი გახლდათ ქართლის ერთ-ერთი უმდიდრესი მემამულის თადეოზ გურამიშვილის ქალიშვილი და ილია ჭავჭავაძის მეუღლის - ოლღას და.

ეკატერინე გურამიშვილი ცოლად გაჰყვა რუს გენერალ დიმიტრი სტაროსელსკის, რომელიც 1872-1876 წლებში ბაქოს გუბერნატორი გახლდათ, ხოლო 1877-1884 წლებში ამიერკავკასიაში მეფისნაცვლის მთავარი სამმართველოს უფროსად დაინიშნა. იგი გვერდში ამოუდგა ილია ჭავჭავაძეს. მას საქართველო ძალიან უყვარდა, თავის მეორე სამშობლოდ მიიჩნევდა და ილიას "ქართველთა შორის წერა-კითხვის გამავრცელებელი საზოგადოების" დაფუძნებაშიც დაეხმარა. იაკობ გოგებაშვილი დიმიტრი სტაროსელსკის შესახებ წერდა: “დასაფასებელია მისი მეტად ნათელი მიმართულება, უყვარს საქართველო, როგორც თავისი მეორე სამშობლო, რომელმაც ოჯახური ბედნიერება მიანიჭა”.

1886 წლის 6 მარტის რუსეთის იმპერატორ ალექსანდრე III ბრძანებით, ციხეების სამზრუნველოს საზოგადოების საქალებო განყოფილების დირექტორად თბილისში დაინიშნა ეკატერინე თადეოზის ასული გურამიშვილი-სტაროსელკისა.

ეკატერინესა და დიმიტრი ჰყავდათ ოთხი ქალიშვილი და ოთხი ვაჟი: ნინო, ელისაბედი, რუსუდანი, ქეთევანი, სიმონი, გივი, ნიკოლოზი და ვსევოლოდი.

ეკატერინე გურამიშვილი-სტაროსელსკისა გარდაიცვალა 1901 წელს თბილისში და დაკრძალულია საგურამოში, ღვთისმშობლის მიძინების (სიონის) ტაძარში.

Member of Organizations

ქართველთა შორის წერა-კითხვის გამავრცელებელი საზოგადოება, საზოგადოების დამფუძნებელი წევრი (1879-)