კონსტანტინე თომას ძე ხახანაშვილი

    კონსტანტინე ხახანაშვილი დაიბადა 1877 წლის 1 მაისს გორში, მღვდლის ოჯახში. დაამთავრა გორის სასულიერო სასწავლებელი და სწავლა განაგრძო პოლტავის სასულიერო სემინარიაში.

   სემინარიის დამთავრების შემდეგ გორში დაბრუნდა და სცენისმოყვარეთა ჯგუფი შეადგინა სადაც სხვებთან ერთად იოსებ ჯუღაშვილიც მონაწილეობდა.

    1897 წელს პირველად დადგა წარმოდგენა, რომელშიც თავადაც მონაწილეობდა.

    1900 წლიდან 1925 წლამდე ავჭალის აუდიტორიისა და სახალხო სახლის სცენაზე, ანაზღაურების გარეშე მონაწილეობდა. შესრულებული აქვს: გიჟუა „რაც გინახავს – ვეღარ ნახავში“, ტარიელ მკლავაძე „ჩვენი ქვეყნის რაინდში“, გიგო „მსხვერპლში“, ოთარი „სტუმარ-მასპინძლობაში“ და სხვა როლები.

    გორში, ცხინვალსა და სხვა ქალაქებში მართავდა სახალხო წარმოდგენებს, საკვირაო სკოლაში მუშებს უფასოდ ასწავლიდა და იმავე დროს სახალხო კითხვების საზოგადოების წევრი და ლექტორიც იყო.

• ქართველთა შორის წერა-კითხვის გამავრცელებელი საზოგადოება, საზოგადოების თბილისის განყოფილების მუდმივი წევრი (1917-1918)
• ქართველთა შორის წერა-კითხვის გამავრცელებელი საზოგადოება, საზოგადოების ნამდვილი წევრი (1911-)

• "ქართველ მოღვაწეთა ლექსიკონი" : იოსებ იმედაშვილი. - თბილისი, ეროვნული ბიბლიოთეკის გამომცემლობა