შალვა გიორგის ძე შარაშიძე

    შალვა შარაშიძე დაიბადა 1882 წელს ოხურგეთის მაზრის სოფელ ბახვში გიორგი შარაშიძის ოჯახში. მიღებული ჰქონდა უმაღლესი განათლება. გარკვეული პერიოდი ქართულ სცენაზე მოღვაწეობდა და სახალხო თეატრშიც რეჟისორობდა.

   შალვა შარაშიძე გახლდათ ჟურნალ „მათრახის“ ერთ-ერთი ხელმძღვანელი. უხვი იუმორისტული ნიჭით დაჯილდოებული, ცრემლნარევი მაგრამ უბოროტო სიცილით, მოურიდებლად ამხელდა საზოგადოების მახინჯ მხარეებსა და მოვლენებს. იგი თანამშრომლობდა ჟურნალებში „მოგზაური“ და „ახალი ცხოვრება“.

   შალვა შარაშიძე გარდაიცვალა 1934 წლის 16 მაისს.