ბეგლარ სიმონის ძე მუშკუდიანი

     ბეგლარ მუშკუდიანი დაიბადა 1872 წელს ლეჩხუმში.

     უმაღლესი განათლება ევროპაში მიიღო. მოღვაწეობდა კავშირგაბმულობის სისტემაში და ეკავა მაღალი თანამდებობა.

     1913 წლიდან ბეგლარ მუშკუდიანი გახლდათ "ქართველთა შორის წერა-კითხვის გამავრცელებელი საზოგადოების" ბათუმის განყოფილების წევრი და აქტიურად იყო ჩართული საზოგადოების საქმიანობაში.
     საბჭოთა მმართველობის პერიოდში დაჯილდოებული იყო სახელმწიფოს უმაღლესი ჯილდოთი ლენინის ორდენით.
    ბეგლარ მუშკუდიანს ჰყავდა მეუღლე სოფიო სანიკიძე და შვილები: თამარი, თინათინი და ლუარსაბ (ლურა), რომელიც სამამულო ომის პერიოდში ამიერკავკასიის მთავარი ქირურგი იყო.
    ბეგლარ მუშკუდიანი გარდაიცვალა 1969 წლის 23 ივლისს და დაკრძალულია ბათუმში.

• ქართველთა შორის წერა-კითხვის გამავრცელებელი საზოგადოება, საზოგადოების ბათუმის განყოფილების წევრი (1913-)

• ლენინის ორდენი

• სახლი

  მისამართი:	ქ. ბათუმი, შაუმიანის ქუჩა.