გოგი კახიძე

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1946 წელს.

1947 წლიდან იყო ქირურგიის ინსტიტუტის თანამშრომელი; 1963 წლიდან სხვადასხვა დროს სამედიცინო მომზადების ციკლზე პედაგოგიურ მოღვაწეობას ეწეოდა უმაღლეს სასწავლებლებში: თსუ, კონსერვატორიაში, პედაგოგიურსა და უცხო ენათა პედაგოგიურ ინსტიტუტში. 1983 წლიდან – სოხუმის სამედიცინო სასწავლებელში. 1988 წელს სამედიცინო ინსტიტუტის ბაზაზე ჩამოაყალიბა პირველი სასწავლებელი კოლეჯი – "სამედიცინო მოწყალება" – გადაუდებელი მედიცინის, ავადმყოფის მოვლის, ტრადიციული და არატრადიციული მედიცინის  შემსწავლელი სამი პროფილის ჯგუფით. ავტორია 30 სამეცნიერო ნაშრომის. სტუდენტობისას, დიდი სამამულო ომის დროს, თავისივე სურვილით სუბორდინატორად მუშაობდა ოფიცერთა N2459–ე ჰოსპიტალში. ქირურგი, მედიცინის მეცნიერებათა კანდიდატი, დოცენტი.

საკანდიდატო დისერტაციის თემა - "ტოტალური კოლექტომიის დროს ილეორექტალური ანასტომოზების შედარებითი შეფასება".

• აკად. გრიგოლ მუხაძის სახ. ქირურგიული საზოგადოება, წევრი

• 1945 - მედალი "შრომითი მამაცობისთვის"
• 1941 - მედალი "კავკასიის დაცვისთვის"