ზვიად კირტავა

დაბადების ადგილი: ქ. ქუთაისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1982 წელს.

1984–1987წწ. ასპირანტურაში სწავლისას სამი წლით მივლინებული იყო მოსკოვის რევმატოლოგიის ინსტიტუტში, სპეციალობით "რევმატოლოგია"; 1988–1996წწ. იყო თბილისის სახელმწიფო სამედიცინო უნივერსიტეტის კლინიკური ფარმაკოლოგიის კურსის ასისტენტი; 1992-1999წწ. გაიარა მრავალჯერადი სამეცნიერო სტაჟირებები რევმატოლოგიაში, ქ. მალმოს ცენტრალურ საუნივერსიტეტო საავამდყოფოში(შვედეთი); 1996 წლის ივლისიდან ჯანდაცვის სამინისტროს საინფორმაციო სასწავლო ცენტრის დირექტორი; 1996-1999წწ. სტაჟირებები საინფორმაციო ტექნოლოგიებსა  და საბიბლიოთეკო საქმეში - ემორის უნივერსიტეტის და აშშ მედიცინის ეროვნული ბიბლიოთეკის ბაზაზე, სატელიტურ ტექნოლოგიებსა და ტელემედიცინაში - მერილენდის უნივერსიტეტში(NASA-ს დაფინანსებით); 2006 და 2008 წლებში - ტრენინგი ჯანდაცვის მენეჯმენტში - ემორის უნივერსიტეტის, ჯორჯიის შტატის უნივერსიტეტის და სკრენტონის უნივერსიტეტის(ყველა - აშშ) პროგრამებით; 2013 წლიდან  ჩაფიძის გულის ცენტრის ელექტრონული ჯანმრთელობის დეპარტამენტის ხელმძღვანელი; 2015-2016 წწ. საქართველოს მე-8 მოწვევის პარლამენტის თავმჯდომარის თანაშემწე. ავტორია 80-ზე მეტი სამეცნიერო ნაშრომისა(ძირითადად ინგლისურ ენაზე), რომლებიც შეეხება შოგრენის დაავადებას, ქრონიკული დაღლილობის სინდრომს, კლინიკური ფარმაკოლოგიის, ელექტრონული ჯანმრთელობის, ტელემედიცინის, დისტანციური სწავლების, საზოგადოებრივი ჯანდაცვის, რევმატოლოგიის, შინაგანი მედიცინის, მობილური და ქსელური ტექნოლოგიების საკითხებს; რევმატოლოგი, მედიცინის აკადემიური დოქტორი, თერაპიის პროფესორი, ელექტრონული ჯანმრთელობის ექსპერტი. 

საკანდიდატო დისერტაციის თემა - "ჰუმორული იმუნიტეტის დარღვევათა კლინიკური მნიშვნელობა შოგრენის დაავადებისა და შოგრენის სინდრომის დროს", დაიცვა 1987 წელს

• "ბრიტიშ მედიქალ ჯორნელი"-ს (BMJ, www.bmj.com) სარედაქციო საბჭო, წევრი (2000-2004)
• არასამთავრობო ორგანიზაცია "პარტნიორები ჯანმრთელობისათვის", გამგეობის თავმჯდომარე (2002-)
• ევროპის საბჭოს ჯანმრთელობის ევროპული კომიტეტი (CDSP), საქართველოს წარმომადგენელი (2002-2011)
• კლინიკურ ფარმაკოლოგთა ასოციაცია, წევრი
• რევმატოლოგთა ასოციაცია, წევრი
• სამედიცინო ინფორმატიკის ასოციაცია, წევრი
• საქართველოს თერაპევტთა ასოციაცია, წევრი

• 2002 - ღირსების ორდენი
  მულტიმედიური სამედიცინო რესურსების, სამედიცინო ინფორმატიკის განვითარებისა და აქტიური საერთაშორისო მოღვაწეობისათვის

• სოლომონის ფიქრები, 2008-2013 : პოლიტ.-პუბლ. ბლოგის სტატიები (ავტორი). - თბილისი, სტ. "ფავორიტი-პრინტი", 2013. - 256 გვ. - ISBN: 978-9941-0-6028-1
• დიაგნოსტიკური ძიება შინაგან სნეულებათა კლინიკაში : სიმპტომიდან დიაგნოზამდე-სინდრომული ძიება, გამოკვლევის პროგრამები, შინაგანი სნეულებების პათოგნომური სიმპტომოკომპლექსები : სახელმძღვ. უმაღლ. სამედ. სასწ. სტუდენტებისათვის, რეზიდენტებისა და ექიმებისათვის (თანაავტორი). - თბილისი, შპს "ირგა", 2010. - 819 გვ. - ISBN: 978-9941-0-1641-7