ეთერ ლორთქიფანიძე

დაბადების ადგილი: ქ. ბათუმი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1946 წელს.

1946–1970წწ. იყო თბილისის ტრამვატოლოგიისა და ორთოპედიის სამეცნიერო–კვლევითი ინსტიტუტის(შემდგომში ცენტრის) ბავშვთა ორთოპედიის განყოფილების მეცნიერ–თანამშრომელი, 1970–1973წწ. ბავშვთა ტრამვის განყოფილების მეცნიერ–თანამშრომელი, 1973–1989წწ. საორგანიზაციო განყოფილების ხელმძღვანელი, 1983–1987წწ. ბავშვთა ორთოპედიის განყოფილების უფროსი მეცნიერ–თანამშრომელი. 1987 წლიდან იყო გენეტიკური განყოფილების ხელმძღვანელი. ავტორია 83 სამეცნიერო ნაშრომისა, რომლებიც ეხება პოლიომელიტის ნარჩენი მოვლენების ოპერაციულ მკურნალობას, ბარძაყის თანდაყოლილი ამოვარდნილობის ეთიოლოგიასა და პათოგენეზს, ორთოპედიულ დაავადებათა გენეტიკურ გამოკვლევებს. გამოქვეყნებული აქვს ორი მონოგრაფია: "ბარძაყის თანდაყოლილი ამოვარდნილობის გენეტიკური გამოკვლევა საქართველოში"(1977), "ორთოპედიისა და ტრამვატოლოგიის განვითარება საქართველოში"(1961). ეწეოდა სამეცნიერო–პრაქტიკულ მოღვაწეობას, იყო დისერტანტთა მეცნიერ–ხელმძღვანელი. ორთოპედი, მედიცინის მეცნიერებათა დოქტორი. 

საკანდიდატო დისერტაციის თემა - "კუნთ–მყესოვანი პლასტიკა ტერფზე პოლიომელიტის ნარჩენი მოვლენების დროს", დაიცვა 1966 წელს.

სადოქტორო დისერტაციის თემა - "ბარძაყის თანდაყოლილი ამოვარდნილობის ეთიოლოგია და პათოგენეზი საქართველოში", დაიცვა 1990 წელს.

• საქართველოს გენეტიკოსთა საზოგადოება, წევრი
• საქართველოს ტრამვატოლოგ–ორთოპედთა საზოგადოება, წევრი