თამაზ მარინაშვილი

დაბადების ადგილი: ქ. თბილისი.

დაამთავრა თბილსის სახელმწიფო სამედიცინო ინსტიტუტის პედიატრიის ფაკულტეტი 1958 წელს.

1959–1963წწ. იყო თბილისის ბავშვთა IV საავადმყოფო–პოლიკლინიკის გაერთიანების ექიმი–პედიატრი; 1963–1972წწ. ექიმთა დახელოვნების თბილსის სახელმწიფო სამედიცინო ინსტიტუტის პედიატრიის კათედრის უფროსი ლაბორანტი; 1972–1992წწ. თბილსის სახელმწიფო სამედიცინო ინსტიტუტის ჰოსპიტალური პედიატრიის კათედრის ასისტენტი. 1992 წლიდან იყო ამავე კათედრის დოცენტი. ავტორია 78 სამეცნიერო ნაშრომისა, რომლებიც ეხება პედიატრიის აქტუალურ საკითხებს. არის ავტორთა კოლექტივის წევრი მონოგრაფიებისა: "ზოგიერთი თანდაყოლილი და მემკვიდრეობითი დაავადება ბავშვებში"(1983); "ბავშვთა დაავადებები"(1995).  მისი ხელმძღვანელობით შესრულებულია 92 სამეცნიერო–პრაქტიკული ხასიათის სტუდენტური ნაშრომი. 1962 წელს პირველად საქართველოში, პროფ. ი. კვაჭაძესთან ერთად ბავშვის ორგანიზმიდან გამოყო პარაზიტი ტოქსოპლაზმა გონდი.

საკანდიდატო დისერტაციის თემა - "კლინიკურ–იმუნოლოგიური პოლიმორფიზმი და ზოგიერთი გენეტიკური მარკერი იუვენილური რევმატოიდული ართრიტის დროს", დაიცვა 1992 წელს.