ლეილა მხეიძე

დაბადების ადგილი: ქ. სიღნაღი.

დაამთავრა თბილისის სახელმწიფო სამედიცინო ინსტიტუტის პედიატრიული ფაკულტეტი 1948 წელს.

1949–1964წწ. იყო თბილისის პირველი მაისის რაიონის ბავშვთა პოლიკლინიკებისა და ბავშვთა მე–2 საავადმყოფოს გაერთიანების ექიმი–ორდინატორი; 1964–1975წწ. თბილისის სახელმწიფო სამედიცინო ინსტიტუტის ბავშვთა სნეულებათა მე–2 კათედრის ასისტენტი, 1975 წლიდან ამავე კათედრის დოცენტი. ავტორია 51 სამეცნიერო ნაშრომისა, რომლებიც ეხება ტოქსინური სინდრომის დროს გულის კუმშვად ცილებს, კრიტიკული მდგომარეობა-პათოგენეზის ზოგიერთ საკითხებსდა სხვა პრობლემებს. გამოქვეყნებული აქვს მონოგრაფიები: "ბავშვთა დაავადებები", 2 თავი: კონსტიტუციის ანომალიები და ალერგიული დაავადებები(თანაავტორები: ი. კვაჭაძე, მ. გელოვანი), 1995; "პედიატრია"–სახელმძღვანელო სამედიცინო კოლეჯებისათვის(თანაავტორი: გ. მეგრელიშვილი), 1995; "ბავშვის მოვლა"–სახელმძღვანელო სამედიცინო კოლეჯებისათვის(თანაავტორები: ნ. მანჯავიძე, კ. ფაღავა,  გ. მეგრელიშვილი და სხვ.), 1998. პედიატრი. მედიცინის მეცნიერებათა კანდიდატი. დოცენტი.

საკანდიდატო დისერტაციის თემა -"თირკმელების ფუნქციური მდგომარეობის მასალები პირველადი ტუბერკულოზით დაავადებულ ბავშვებში", დაიცვა 1967 წელს.

• ბავშვთა ტუბერკულოზის ეროვნული პროგრამა, ხელმძღვანელი
• თბილისის საქალაქო საბჭოს მე–4 მოწვევა, დეპუტატი
• საქართველოს პედიატრიული საზოგადოება, წევრი
• საქართველოს სამედიცინო უნივერსიტეტის პედიატრიული ფაკულტეტის მეთოდური კომისია, წევრი