ნუგზარ ნარსია

დაბადების ადგილი: ქ. ქუთაისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1976 წელს.

1976-1977წწ. იყო ექსპერიმენტული და კლინიკური თერაპიის სამეცნიერო კვლევითი ინსტიტუტის ინტერნი; 1977-1984წწ. თბილისის კახიანის სახელობის რკინიგზის კლინიკური საავადმყოფოს ორდინატორი; 1984-1989წწ. საქართველოს მეცნიერებათა აკადემიის მორფოლოგიის სამეცნიერო კვლევითი ინსტიტუტის მეცნიერ–თანამშრომელი; 1989 წლიდან ასისტენტი, დოცენტი; თბილისის სახელმწიფო სამედიცინო უნივერსიტეტის შინაგან დაავადებათა N3 დეპარტამენტის ასოცირებული პროფესორი. სამეცნიერო ნაშრომების ავტორი კარდიოლოგიის აქტუალურ საკითხებზე. ექიმი-თერაპევტი, მედიცინის მეცნიერებათა დოქტორი (1993), პროფესორი (2004).

საკანდიდატო დისერტაციის თემა - "ჰემოდინამიკის თავისებურებანი და მისი დარღვევის კომპენსაციის მექანიზმები მიოკარდიუმის ინფარქტის მკურნალობასა და რეაბილიტაციის სხვადასხვა ეტაპზე", დაიცვა 1984 წელს; სადოქტორო დისერტაციის თემა - "ჰემოდინამიკის, ჰორმონალური სტატუსის თავისებურებანი და სისხლის მიმოქცევის დარღვევის კომპენსაციის მექანიზმები გულის იშემიური დაავადების სხვადასხვა ფორმების გლიკოზიდებით, პერიფერიული ფაზიდილატიცირებითა და სიმპტომატური საშუალებებით მკურნალობის ფონზე", დაიცვა 1993 წელს.