თამარ ოჩიგავა-გზირიშვილი

დაბადების ადგილი: ქ. ქუთაისი. 

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1928 წელს.

ინსტიტუტის დამთავრების შემდეგ 1928 წელს სტაჟიორად დატოვეს ქ. თბილისის სამეანო-გინეკოლოგიურ კლინიკაში; და 1931-1932წწ. მუშაობა დაიწყო ექიმად პროფესორ გრიგოლ მუხაძის ხელმძღვანელობით; 1932-1933წწ. იყო წალკის რაიონის საავადმყოფოს სამეანო-გინეკოლოგიური და სამეანო განყოფილების გამგე და მეორე დასტაქარი; 1933-1934წწ. ქ. ზუგდიდის რაიონული საავადმყოფოს მეორე დასტაქარი და დედათა და ბავშვთა კონსულტაციის გამგე და მეორე დასტაქარი; 1934-1935წწ. ტყიბულის რაიონული საავადმყოფოს სამეანო-გინეკოლოგიური განყოფილების გამგე და მეორე დასტაქარი; 1935- 1939წწ. თბილისის მე-9 პოლიკლინიკის ქირურგი; 1940-1941წწ. რესპუბლიკური ცენტრალური კლინიკური უროლოგიური განყოფილების ექიმი-ორდინატორი; 1941-1942წწ. აქვე- უროლოგიური განყოფილების ხელმძღვანელი; 1941-1942წწ. პარალელურად იყო კონსულტანტი ორ ჰოსპიტალში; ცენტრალური-კლინიკური საავადმყოფოს უროლოგიური კაბინეტის გამგე (1946 წლიდან). მედიცინის მეცნიერებათა კანდიდატი (1950); 1948-1951წწ. თბილისის მე-9 პოლიკლინიკის ექიმი კონსულტანტი-უროლოგი; 1951-1982წწ. მეოთხე მთავარი სამმართველოს პოლიკლინიკის უროლოგი და კონსულტანტი. მრავალი სამეცნიერო ნაშრომის ავტორი. მათ შორისაა ორი მონოგრაფია, რამდენიმე საგაზეთო სტატია. დაჯილდოებულია მრავალი მადლობითა და სიგელით. ცნობილი ქირურგი-უროლოგი. პროფესორ ალექსანდრე გზირიშვილის მეუღლე, ბიოლოგ ნათელა გზირიშვილის დედა.

• საქართველოს უროლოგთა საზოგადოება, წევრი

• 1960 - საქართველოს დამსახურებული ექიმი
• 1951 - მედალი "ჯანმრთელობის დაცვის ფრიადოსანი"
• 1951 - შრომის ვეტერანი
• მედალი "1941-1945 წლებში დიდ სამამულო ომში გერმანიაზე გამარჯვებისთვის"

• ალექსანდრე გზირიშვილი : უროლოგი. ცხოვრება და მოღვაწეობა (ავტორი). - თბილისი, მეცნიერება, 1979. - 216გვ