ალი

ალი. ყოველკვირეული გაზეთი. საზოგადოებრივ-პოლიტიკური და სალიტერატურო გამოცემა. ქუთაისი, 1907.

რედაქტორი: ალ. პ. ჩილაევი. იგი გამოვიდა გაზეთ "გრდემლის" დახურვიდან მცირე ხანში, რომელსაც ასევე რედაქტორობდა ალ. პ.

ჩილაევი. გაზეთ "ალის" მხოლოდ ერთი ნომერი დაიბეჭდა. მისი დახურვის მიზეზი უცნობია.

გაზეთს არ აწერია, თუ რა ხასიათისა და მიმართულების გამოცემაა.თუმცა პირველ გვერდზე დაბეჭდილ, ერთი შეხედვით, გულუბრყვილო

ლექსით, რომელსაც ხელს აწერს გაზეთის თანამშრომელი  სიმონ ჯორბენაძე, ჩანს, თუ რა სურვილები ამოძრავებდათ "ალის" გამომცემლებს:

”გამოვჩნდი "ალი" / და ჩემი ვალი / არის ვებრძოლო ბოროტ არსებას, / რომ ამ ბრძოლითა, / წინ მსვლელობითა / კარი გავუღოთ

თავისუფლებას. / მე ვარ ”ალია”, / ჩემი ვალია / წამოვაყენო ძმა დაჩაგრული,  / და შეგინებულს, / ტალახში ჩაფლულს / მოვბანო წუმპე,

ვაშორო წყლული.

1907 წლის 25 თებერვლიდან 11 მარტამდე  (N1 - N 3) გამოდიოდა გაზეთი "გრდემლი".

მისი დახურვიდან ერთ კვირაში გამოვიდა გაზეთი "ალი".

1907 N 1 (18.03)