აგრაფი
NPLG Wiki Dictionaries გვერდიდან
აგრაფი — (ფრანგ. grafe კავი),
- აგრაფი – ძველი წიგნების ყდების შესაკრავი ლითონის აჟურული კავისებური ბალთა. აგრაფი იგივეა, რაც ფერმუარი.
- აგრაფი – აბზინდის სახეობა.
- აგრაფი – არქიტექტურაში თაღის ცენტრში დატანებული ქვა, ჩვეულებრივ მოჩუქურთმებული.
- აგრაფი – სტილიზებული მცენარეული მოტივი ბაღის პარტერის გასაფორმებლად XVII-XVIII საუკუნეებში. ჰქონდა ტოტების კონის, ფოთლების, ფურცლების სახე, რომელიც გამოდიოდა პარტერის კიდის ერთი წერტილიდან.