ამბივალენტური გრძნობა
NPLG Wiki Dictionaries გვერდიდან
ამბივალენტური გრძნობა – (ბერძნ. amphi – გაორება და ლათ. valentia – ძალა) – ერთდროულად არსებული ურთიერთგამომრიცხავი გრძნობა, ემოციური გაორება. პირდაპირ კავშირშია არაცნობიერში არსებულ კომპლექსებთან. ყველა ეპოქის თეატრი სხვადასხვაგვარად განმარტავს გაორების მიზეზებს. ამბივალენტური გრძნობა ერთ-ერთი უმნიშვნელოვანესი ფაქტორია პერსონაჟის უცნაური ქცევის გამომწვევი მიზეზების გასაშიფრად.