ანაპესტი
NPLG Wiki Dictionaries გვერდიდან
ანაპესტი – (ბერძნ. anapaistos – არეკლილი უკან) – ანტიკური ოთხმარცვლიანი ტერფი მეტრულ ლექსთწყობაში, სადაც ბოლო ტერფი აქცენტირებულად გრძელია. ეს ტერფი „პირუკუ მახვილად“ იმიტომ იწოდებოდა, რომ უპირისპირდება დაქტილს თეზისის ადგილმდებარეობის მიხედვით.
ელადაში ანაპესტური ლექსის წარმოთქმის დროს, შემსრულებლები საცეკვაო ფეხშეწყობას აყოლებდნენ ბოლო ტერფს და არა პირველს, როგორც ეს ხდებოდა დაქტილის შესრულების შემთხვევაში. ამიტომაა, რომ ანაპესტს აქვს მეორე სახელი – ანტიდაქტილი. საერთოევროპულ პოეზიაში ანაპესტი შედგება სამმარცვლიანი ტერფისგან.
