აჟურული დეკორაცია
NPLG Wiki Dictionaries გვერდიდან
აჟურული დეკორაცია – (ფრანგ. a jour – გამჭოლი) სიბრტყობრივი ფერწერული დეკორაციის ერთ-ერთი სახეობა: დეკორაციული ტილოს ფერწერულ ზედაპირზე კეთდება ფართო ჭრილი, რომლის მიღმა მოჩანს ფონი, ცის გამოსახულება, არქიტექტურული ან პეიზაჟური დეკორაციის მეორე პლანი და ა.შ. აჟურული დეკორაცია ქმნის სივრცობრივი სიღრმის ილუზიას (ეფექტს კიდევ უფრო აძლიერებს შესაფერისი განათება), წარმოშობს სცენურ პერსპექტივას.
