ბეტონის მაკროსტრუქტურა
NPLG Wiki Dictionaries გვერდიდან
ბეტონის მაკროსტრუქტურა − ბეტონის სტრუქტურული აგებულება, რომელიც ჩანს შეუიარაღებელი თვალით ან გამადიდებელი ლუპით. ბეტონის აგებულება არაერთგვაროვანია. სქემატურად ბეტონი წარმოადგენს ცემენტის ქვის სივრცულ მესერს – მატრიცას, რომელშიც ჩართულია შემვსების მარცვლები – მსხვილი და წვრილი; ბუნებრივი (ღორღი, ხრეში, კვარცის ქვიშა, პემზა, პერლიტი, ვულკანური წიდები) და ხელოვნური (წიდა, კერამზიტი); მკვრივი და ფოროვანი. საკუთრივ ცემენტის ქვაც არაერთგვაროვანი აგებულებისაა და შედგება შენაზარდის, გელისა და ჰაერითა და წყლით შევსებული, დიდი რაოდენობის ფორებისა და კაპილარებისგან.