ბლაიჰშტაინერი რობერტ
რობერტ ბლაიჰშტაინერი – (1891-1954) –– ავსტრიელი ენათმეცნიერი და ეთნოგრაფი, კავკასიისმცოდნე. 1919 წელს ვენაში ქართულ ენაზე გამოსცა „ქართული ანდაზები, თქმულებები და ზღაპრები“ გერმანული თარგმანით, კომენტარებითა და ლექსიკონით. აღსანიშნავია მისი შემდეგი შრომებიც „ყვავილბატონების ღვთაებანი და წმინდა ბარბალე ქართველთა ხალხურ წარმოდგენაში“, „კავკასიელ ხალხთა და ენათა მიმოხილვა", „ქართული ბალადა ამირანის შესახებ“, „კავკასიელი ხალხები“, „ნარკვევები ქართველთა ტომის – გურულების ენასა და ეთნოგრაფიიდან“, „ვეფხისტყაოსანი მე-12 საუკუნის ქართული მინეზანგური პოემა“. გამოსცა ქართველი პოეტების ანთოლოგია გერმანულ ენაზე. თარგმნა, აგრეთვე, რამდენიმე ქართველი მწერლის პროზაული ნაწარმოები.
ნ. შანიძე
ლიტერატურა
ნ. კაკაბეძე, ნ. რუხაძე, კაეკასია და საქართველო გერმანულ ლიტერატურაში, 1963, გვ. 131.
