განვითარების ზოგადი აშლილობები
განვითარების აშლილობა ზოგადი - (F84), (developmental disorder, pervasive), სოციალურ ურთიერთობებში და ურთიერთობათა სტერეოტიპებში თავისებური დარღვევები, რომლებიც ინდივიდის ნებისმიერ სიტუაციაში ფუნქციონირებისას ვლინდება.
აშლილობა შეიძლება ერწყმოდეს შემდეგ პათოლოგიურ მდგომარეობებს: ბავშთა კრუნჩხვები, თანდაყოლილი წითურა, ტუბერკულოზური სკლეროზი, ცერებრული ლიპიდოზი, X ქრომოსომის სიმყიფე ჭკუასუსტობით.
ტერმინი „განვითარების ზოგადი აშლილობები“ გამოიყენება იმ აშლილობათა აღსანიშნად, რომლებსაც ახასიათებთ კომუნიკაციისა და სოციალური ურთიერთობების პრობლემები, ასევე, შეზღუდული ინტერესები და განმეორებადი, სტერეოტიპული ქცევები. ეს დარღვევები თავს იჩენს სრულიად განსხვავებულ სიტუაციებში. ჩვეულებრივ, განვითარება ანომალიურია ჩვილობიდან და უპირატესად ვლინდება 5 წლამდე ასაკში.
ICD-10-ში ამ აშლილობების ქვეშ მოიაზრება ექვსი აშლილობა (იხ. ცხრილი) აქედან ორი არ არის შესული DSM-IV კლასიფიკაციაში. კერძოდ, ატიპიური აუტიზმი და ჰიპერაქტიური აშლილობა თანმხლები გონებრივი ჩამორჩენილობით და სტერეოტიპული მოძრაობებით. ითვლებოდა, რომ ამ აშლილობათა გავრცელების სიხშირე 3/1000-ზეა, თუმცა ბოლო მონაცემებით ეს რიცხვი გაორმაგებულია (Fombonne, 2003), რისი მიზეზიც შეიძლება იყოს მდგომარეობის დეფინიციის შეცვლა და დიაგნოსტიკის გაუმჯობესება.
აუტისტური სპექტრის აშლილობები (ასა): ეს ტერმინი ხშირად გამოიყენება განვითარების ზოგადი აშლილობების მთელი სპექტრის აღსანიშნავად, იმ მდგომარეობების ჩათვლით, რომლებიც ვერ აკმაყოფილებენ ძირითად დიაგნოსტიკურ კრიტერიუმებს. აღიარებულია, რომ ზუსტი საზღვრის გავლება სხვადასხვა სინდრომს შორის ძნელია, ამიტომ მშობლებს უმჯობესია განემარტოს, რომ ბავშვის მდგომარეობა ერთიანი აშლილობის სხვადასხვა გამოვლინებას წარმოადგენს.
პერვერზიული განვითარების აშლილობები
DSM IV ICD 10 აუტისტური აშლილობები ბავშვთა აუტიზმი რეტის სინდრომი რეტის სინდრომი ბავშვთა დეზინტეგრაციული აშლილობები ბავშვთა სხვა დეზინტეგრაციული აშლილობები ჰიპერაქტიური აშლილობა თანმხლები გონებრივი ჩამორჩენილობით და სტერეოტიპული მოძრაობებით ასპერგერის შლილობა ასპერგერის სინდრომი სხვაგვარად დაუზუსტებელი განვითარების ზოგადი აშლილობები (მოიცავს ატიპიურ აუტიზმს) ატიპიური აუტიზმი
განვითრების ზოგადი აშლილობა დაუზუსტებელი
(ოქსფორდის მოკლე სახელმძღვანელო ფსიქიატრიაში)
