გრამატიკული მნიშვნელობა
გრამატიკული მნიშვნელობა − განზოგადებული, განყენებული ენობრივი მნიშვნელობა, რომელიც ახასიათებს სიტყვებს, სიტყვაფორმებს, სინტაქსურ კონსტრუქციებს და მყარ სიტყვათშეხამებებს. მორფოლოგიის დონეზე ეს არის სიტყვის, როგორც მეტყველების ნაწილის, ზოგადი მნიშვნელობა (მაგ. საგნობრიობა არსებით სახელებში, პროცესუალობა ზმნებში…); აგრეთვე სიტყვათა, სიტყვაფორმათა კონკრეტული მნიშვნელობები, რომლითაც ისინი უპირისპირდებიან ერთმანეთს გრამატიკული კატეგორიის ფარგლებში (მაგ., სახელის ბრუნვა, ზმნის პირი, დრო.) სინტაქსის დონეზე ეს არის პრედიკატიულობა, აგრეთვე მრავალფეროვანი მიმართებები წინადადების წევრებსა (მაგ., სუბიექტს, ობიექტს, მოდიფიკატორებს…) და წინადადებებს შორის. გრამატიკული მნიშვნელობის ნაცვლად ლინგვისტურ ლიტერატურაში გვხვდება ტერმინი სტრუქტურული მნიშვნელობაც (ნ.კ. ფრიზი).
ნ. ლოლაძე
