ეზრა ათონელი
NPLG Wiki Dictionaries გვერდიდან
ეზრა ათონელი (მთაწმინდელი) – XI საუკუნის ქართველი ჰიმნოგრაფი, ათონის ივერთა მონასტრის მოღვაწე. მას 1044 –1074 წლებში იოანე მთაწმინდელის სახელზე შეუთხზავს საგალობელი, რომელშიაც იოანესთან ერთად შეუქია ექვთიმე მთაწმინდელი. ჰიმნოგრაფს უსარგებლია იოანესა და ექვთიმეს „ცხოვრებით”, ამოუღია ფაქტობრივი მასალა, ცალკეული ფრაზები და მხატვრული სახეები.
