ელახი
NPLG Wiki Dictionaries გვერდიდან
ელახი - (ძვ.წ. 877-876) – ისრაელის მეფე, ვაასას ძე. ისრაელის მეოთხე მეფემ სულ ორი წელიწადიც ვერ იმეფა. ეს ორი წელიწადი მან დროსტარებაში და მხიარულებაში გაატარა და სახელმწიფო საქმეებში თითქმის არ ჩარეულა. ერთხელ, როდესაც მეფე ნადიმობდა, მაშინ როცა მისი არმია ფილისტიმელებს ებრძოდა გიბტონში, მას თავს დაესხა საკუთარი ჯარის ეტლების შენაერთის მეთაური, ზიმრი. ზიმრიმ ჯავი მეფედ გამოაცხადა და ვაასას დინასტიის განადგურებას შეუდგა. რამდენიმე კვირაში ვაასას და ელახის მთელი ნათესაობა მთლიანად ამოწყვიტეს ზიმრის მეომრებმა.