კორინთული ორდერი

წარწერის ტექსტი

კორინთული ორდერი − (ინგლ. corinthian order) – ერთ-ერთი (მესამე) კლასიკური არქიტექტურული ორდერი (ძველი საბერძნეთის ქალაქ კორინთოს სახელის მიხედვით, სადაც იგი შეიქმნა). კორინთული ორდერი ყველაზე დეკორატიულია ბერძნულ ორდერთა შორის. პირველად გამოყენებული იყო ბერძნული მითოლოგიის სინათლისა და ხელოვნების ღმერთის, აპოლონის ტაძარში (ძვ. წ. 430-420 წლები), რომელიც მდებარეობს ძველბერძნულ ოლქებს არკადიას, ტრიფილიასა და მესენიას შორის. ზარხუფის ფორმის კაპიტელი შემკულია აკანთოს სტილიზებული ფოთლებითა და ვოლუტებით (ხვიებით); აქვს კვადრატული აბაკი, რომელიც ოდნავ გამოდის ანტაბლემენტის საზღვრებიდან.

წყარო

სამშენებლო ენციკლოპედიური ლექსიკონი