ლაკონიზმი

ლაკონიზმი – აზრის მოკლედ გამოთქმა, სათქმელის მკაფიო, სხარტი ჩამოყალიბება.

ლაკონიის მიწად მოსახლე სპარტელები გამოირჩეოდნენ სათქმელის მოკლედ და სხარტად გამოხატვის უნარით. მათი მახვილგონივრული გამონათქვამები თაობიდან თაობას გადაეცემოდა და ხშირად მხატვრულ ქმნილებებშიც ისახებოდა. ნიმუშად წარმოგიდგენთ ერთ-ერთ ასეთ ნაუბარს: ერთხელ მაკედონელთა მეფე სპარტელებს დაემუქრა: „თუ გადმოვლახე პელოპონესოსის სამანები, სპარტას გავანადგურებო“. სპარტელებმა კი ასე შეუთვალეს: „თუ!“.

წყარო

• მითოლოგიური ენციკლოპედია ყმაწვილთათვის
• მსოფლიო კულტურა და ხელოვნება : სასკოლო ლექსიკონი / შემდგ. ნუგზარ ბარდაველიძე ; რედ. ლალი მარგველაშვილი. - თბ. : სულხან-საბას საგანმანათლებლო საზ-ბა,2011