მარაკანის სტადიონი
NPLG Wiki Dictionaries გვერდიდან
მარაკანის სტადიონი – (პორტუგ. Estádio do Maracanã), სტადიონი ბრაზილიის ქალაქ რიო-დე-ჟანეიროში. მდებარეობს მარაკანის რაიონში; სახელი ეწოდა მდინარე მარაკანისგან, რომელიც დღეს არხშია მოქცეული. გაიხსნა 1950 წელს, ფიფას მსოფლიო საფეხბურთო ჩემპიონატის სამასპინძლოდ. მიუხედავად იმისა, რომ 1950 წლის ფეხბურთის ჩემპიონატის ფინალს მარაკანაზე 199 854 მაყურებელი დაესწრო (ამ დროისათვის მსოფლიოს უდიდესი სტადიონი იყო), ამჟამად, მოდერნიზაციის სამუშაოების ჩატარების შემდეგ, ის 82238 მაყურებელს იტევს და ბრაზილიისა და სამხრეთ ამერიკის უდიდესი სტადიონია.
