მაყურებელი
NPLG Wiki Dictionaries გვერდიდან
მაყურებელი – სემიოლოგიის ანუ აღქმის ესთეტიკის, სოციოლოგიის, ფსიქოლოგიის, თეატრალური ანთროპოლოგიის შესწავლის საგანი. სემიოლოგია ცდილობს დაადგინოს სამსახიობო და სარეჟისორო კოდური ნიშნების მაყურებელზე ზემოქმედების პარამეტრები. სოციოლოგია აწარმოებს მაყურებლის ანკეტირებას სოციოკულტურული ფესვების, გემოვნებისა და რეაქციის გასარკვევად. ფსიქოლოგია მაყურებელს განიხილავს როგორც კოლექტიურ სუბიექტს. თეატრალური ანთროპოლოგია მაყურებელს განიხილავს ეპოქის, დროის, ეთნოსის, რასის, გლობალური პროცესების ჭრილში.
