მენაღარიშვილი ირაკლი
ირაკლი მენაღარიშვილი – (დ. 1951), საქართველოს საგარეო საქმეთა მინისტრი.
1974 დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტს. ინსტიტუტში სწავლის პერიოდში,
1971-73 არჩეული იყო სამკურნალო ფაკულტეტის კომკავშირის კომიტეტის მდივნად, ხოლო შემდგომ – ამავე ინსტიტუტის კომკავშირის
კომიტეტის მდივნად.
1974-78 იყო ქ. თბილისის ორჯონიკიძის რაიონის კომკავშირის რაიკომის მდივანი;
1978-80 – კომკავშირის ცენტრალური კომიტეტის განყოფილების გამგე.
1980-82 მუშაობდა ქ. თბილისის ჯანმრთელობის დაცვის სამმართველოს უფროსად.
1982 დაინიშნა საქართველოს რესპუბლიკის ჯანმრთელობის დაცვის მინისტრის პირველ მოადგილედ, ხოლო 1986 – მინისტრად.
1991-92 იყო სტრატეგიული გამოკვლევის ცენტრის დირექტორი, საქართველოს რესპუბლიკის სახელმწიფო საბჭოსთან არსებული ჰუმანიტარული დახმარების კოორდინატორი,
1992 დაინიშნა საქართველოს ჯანმრთელობის დაცვის მინისტრად,
1993 წლის ოქტომბრიდან მუშაობდა საქართველოს რესპუბლიკის პრემიერ-მინისტრის მოადგილედ.
1995 წლის დეკემბერში დაინიშნა საქართველოს საგარეო საქმეთა მინისტრად.
