მილტუჩი
NPLG Wiki Dictionaries გვერდიდან
მილტუჩი – მილის, არმატურის, რეზერვუარის, ლილვის შემაერთებელი ნაწილი, რომელიც, ჩვეულებრივ, არის ბრტყელი რგოლი ან დისკო თანაბრადგანლაგებული ხვრეტებით ჭანჭიკების ან სარჭებისათვის. საჭირო შემთხვევაში მილტუჩი შემამჭიდროვებლით უზრუნველყოფს შიგა ღრუების ჰერმეტულობას, ხოლო ბრუნვით დეტალებში – საკმაო სიმტკიცეს ძალების გადასაცემად (მაგ., მილისებრი წისქვილის მილტუჩი, რომელიც დოლის კორპუსთან ჭანჭიკებითაა დაკავშირებული). მილტუჩი შეიძლება იყოს: ბრტყელი, ბურთულა, დასაჭერი, მაერთებელი, საბჯენი, საყელურისებრი, საყრდენი, ფოლადის, ღეროვანი, ყრუ და სხვ.
