ნემსიწვერა (Geranium gymnocaulon DC)
ნემსიწვერა – (Geranium gymnocaulon DC); ოჯახი: ნემსიწვერასებრნი (Geraniaceae). მრავალწლოვანი ბალახოვანი, ფესვურიანი მცენარეა, ღერო 1-2-ია. სიმაღლე 15-40 სმ, წამოწეული, გაფარჩხული ბეწვით შემოსილი. ფესვთანური ფოთლები მრავალრიცხოვანია. ყუნწებიც შებუსვილია. ფოთლის ფირფიტა 5-კუთხოვანია, მომრგვალო, 6-7 სმ სიგანის. თითქმის ძი- რამდე 5 ად დაყოფილი, სეგმენტები მოგრძოკვერცხისებურია, ღრმად ფრთისებრ-ჩაჭრილი, ლანცეტა ფორმის ნაკვთებად. ფირფიტის ზედა მხარე მომწვანო რუხია, დანაოჭებული, ქვედა მხარე შებუსვისაგან ნაცრისფერია. ჯამის ფოთოლაკი წვეტითაა. ყვავილედი 2-10 ყვავილიანი ქოლგაა. მუქი იისფერია კარგად გამოკვეთილი ძარღვებით. ყვ. ნაყ. VII-VIII გავრცელებულია ალპურ და სუბალპურ სარტყელში მდელოებსა და მორენებზე. კახეთში მისი ნახვა შესაძლებელია თუშეთის დაცულ ტერიტორიაზე. გავრცელებულია საქართველოს მთიანეთში.