ნეშომპალა
NPLG Wiki Dictionaries გვერდიდან
ნეშომპალა (ჰუმუსი) – ნიადაგის ორგანული, ჩვეულებრივ, მუქად შეფერილი ნაწილი, რომელიც წარმოქმნილია მცენარეული და ცხოველური ნარჩენების ბიოქიმიური გარდაქმნების შედეგად. მის შედგენილობაში შედის ჰუმინომჟავები (დიდი მნიშვნელობა აქვთ ნიადაგის ნაყოფიერებისათვის) და ფულვომჟავები (კრენისა და აპოკრენის). შეიცავს მცენარის კვებისათვის საჭირო ყველა ელემენტს, რომლებიც მიკროორგანიზმების ზემოქმედებით მცენარისთვის ადვილად შესათვისებელია. ნეშომპალა განსაკუთრებით დიდი რაოდენობით შეიცავს შავმიწა ნიადაგები. შედარებით მცირე რაოდენობითაა ეწერ და რუხ ნიადაგებში.
